الكدش وماادراك مالكدش***

ظاهره جديده وفريده من نوعها ـ،،

كيف تربي الكدش ....

طبعا كلكم تعرفوا الكدش

والي مايعرفوا انا اقولوا ايش يكون الكدش

تعريف الكدش : هو مخلوق يربى فوق الراس وياتي منه عده الوان حسب الطلب اسود بني اخضر ..الخ

طبعا ادا تبغى تربي كدش هناك شروط لازم تعملها وتسويها والي هيا :

> >اول شي لازم تكون فلااااااوي
> >وتكون ماتزعل من المزح يعني تتقبل المزح لانك راح تنحش كتيررررررر لليل

> >وتااني شيء ولازم ماتكون (مثقف)

>>وتاالت شيء ماتلبس نظاره لانوا رح تمسك في كدشك وتتكسر
ولازم نظاره جديده ودا الكلام ماينفع كل يوم حترووحـ تشتري نظارهـ

>>ورابع شيء لازم كل الامشاط والفرش وكل شي يمشط به الشعر يتكسر
او يترمي لانوا مارح تحتاجها فا ليه تخزن عندك اشياء مالها داعي ^_^

وطبعا اخيرا لازم يكون عندك اطواق للشعر لفصل الصيف عشان الجو (فيري هوت )

من وظائفه :

1-حمايه الراس من الصدماااات الشمسيه والصقعات

2-ادا الام طلبت من ابنها يروح السوبر ماركت ولا اقرب بقاله عشان يشتريلها سلك نحاس
بدل ماينزل ويتعب نفسوا ممكن يستخدم قطعه من الكدش سلك نحاس
وبكدا يكون وفر على نفسوا الدهاب للسوبرماركت والحلاقـ

3-وكمان من فوائده انوا ممكن يكون بيت لبعض المخلوقات الحيه
((طبعا مافي داعي للاحراج وذكر الاسامي ))

4-وادا كان عندك شي تخبيه ومنتا عارف فين ؟ ليه التفكير اقرب مكان كدشكـ

5-وكمان ادا كنت في طلعه شباب وكدا ونسيتوا المناديل وتبغى تمسح ايدك من اي شي
> >افركها في الكدش وهوا يؤدي الوظيفه على اكمل وجهه

نجي لطريقه التربيه> >هنا المهم
لازم تتبع دا النظام الغدائي لمده اسبوعين> >الفطووور :

جبنه بيضه ( منتهي تاريخها من سنه )
وتشرب معاها شاهي بايت من امس حط ليمون عشان يقتل الجراثيمـ
> >الغداء:
ملخيه بالضفادع مع الرز وبعدها اشرب داناو ( موز برتقال وجزر ) حطه في كوب
ونجيب بيضه نيه ونفقعها فوقوا ونشربو <<ياسلاااااااااااااااام احلى طعم

> >العشاء :

تروح مطعم تكون سامع انوا سارت عندو حالات تسمم بالهبل وتاكل عندوا

وبالنسبه للاستحمام كل ربع ساعه عشان تفضل تمام اللفلفه والالتوائات
والانحنائات <<كأنوا شرح درس جغرافيآـآ

وجربوا اعملوا كدش وبعد اسبوعوين قولولي النتيجه

بالنسبه للي ما عجبوا الكدش

هادي طريقه التخلص منو
تجيب حق العشب مادري ايش يسمو اظن الخنجر

تحذييييييييييييييييييييير

لذوي الروؤس الصغيره نصيحه لاتسوي كدش لانو مارح تبان ملامح وجهك خير شر
وانتبه تجلس جمب واحد ياكل لبان لان الكدش سريع الجاذبيه للبان زي ماقال"نيوتـــنـ"
منقول